Saga Fiskidagsins mikla 2001-2020, Flýgur tvítug fiskisaga, fæst nú í sjö verslunum Pennans-Eymundssonar og kostar 4.999 krónur. Þar fá kaupendur mikið fyrir lítið og upplagt lesefni á þorranum!
Útsölustaðirnir eru eftirtaldir:
- Austurstræti
- Kringlan
- Mjódd
- Smáralind
- Hafnarfjörður
- Akureyri
- Vestmannaeyjar
Þá ef því við að bæta að við höfum umboðsmann í Dalvíkurbyggð: Friðrik Friðriksson í Laugagerði í Svarfaðardal. Hann er með símanúmerið 893 1177 og tölvupóstfangið ffmj@internet.is.
Svarfdælasýsl forlag sf. er útgefandi bókarinnar og hún er þannig kynnt á vef Pennans-Eymundssonar!
Fiskidagurinn mikli á Dalvík er mannfagnaður sem á sér enga hliðstæðu. Samkoman féll niður vegna veirufaraldurs sumarið 2020 þegar fagna skyldi 20 ára afmæli hennar og óvissa ríkir um hvað gerist núna 2021.
Í millitíðinni er hægt að fylla í skarðið að hluta með nýrri bók, Flýgur tvítug fiskisaga, eftir Atla Rúnar Halldórsson blaðamann. Þar er saga Fiskidagsins rakin í máli og fjölda mynda á 236 blaðsíðum í glæsilegum prentgrip í stóru broti.
Bókin kemur vissulega ekki í staðinn fyrir sjálfa samkomuna en með henni er auðveldlega hægt að lifa sig inn í andrúmsloftið, skemmtunina, mannlífið og vináttuna.
Svarfdælasýsl forlag sf 